Diesch artistas ed artists grischuns survegnan quest onn mintgamai 20'000 francs sco stipendi u sco contribuziun per realisar in'ovra. Cun quels meds duain els pudair sa deditgar per in tschert temp pli intensivamain a lur lavur artistica. En il rom da la concurrenza per la "promoziun da la lavur culturala professiunala" èn lur lavurs inoltradas vegnidas undradas spezialmain (datoteca pdf cun pussaivladad da chargiar sin l'agen computer). En tut èn vegnidas inoltradas quest onn 76 dumondas cun lavurs da las differentas spartas da l'art.

En il rom da la concurrenza per "promover la lavur culturala professiunala" 2003 han survegnì in sustegn:

Num	Sparta
Pascal Gamboni	Musik
Curdin Janett	Musik
Jürg Bariletti	Musik
Robert Cavegn	Bildende Kunst
Bignia Corradini	Bildende Kunst
Ladina Gaudenz	Bildende Kunst
Clo Duri Bezzola	Literatur
Gion Mathias Cavelty	Literatur
Jules Spinatsch	Fotografie
Daniel von Aarburg	Film

Da vischnancas e regiuns 
- Per evitar en futur inundaziuns en la vischnanca da Sur, ha la regenza dà l'incumbensa per in project per la dustanza Ava dallas Cuorts. A medem temp duai vegnir elavurada ina basa dal privel per giuditgar ils privels d'inundaziuns en il territori d'abitadi da las vischnancas Claustra-Serneus e Saas. Per quai ha la regenza approvà 34'000 francs (custs totals: 170'000 francs).
- La revisiun parziala da la planisaziun locala (lescha da construcziun e plan general d'avertura traffic) che è vegnida decisa da la radunanza communala da Verdabbio po entrar en vigur; la regenza l'ha approvada.
- Il consorzi da scola da las vischnancas Tschiertschen e Praden ha revedì ses statut d'organisaziun. La regenza ha er approvà las novas cunvegnas.
- Las novas leschas da la taglia communala da las vischnancas Sta. Maria i.C. e Fideris èn vegnidas approvadas da la regenza e pon uschia entrar en vigur.

Contribuziuns chantunalas a differentas instituziuns
- Per ils 37avels campiunadis mundials da mastergnanza 2003 a Son Gagl ha la regenza concedì ina contribuziun da var 44'000 francs.
- Circa 54'000 francs survegnan persunas privatas per las mesiras da cuntrada e da protecziun da la natira en palids autas e palids planivas ch'èn vegnidas realisadas l'onn passà. La part da la federaziun importa radund 95'000 francs.
- La regenza ha decis da conceder totalmain 32'000 francs contribuziuns per l'agid umanitar (territori da terratrembel Algeria, agid per l'uffant "Enfants du Monde", ovra d'agid "Unfrenda da curaisma", agid per la Rumenia Malans, organisaziun d'agid "Viviamo Mejor"/svilup social a Guatemala, organisaziun d'agid "Amis svizzers da las vischnancas SOS per uffants" ed organisaziun d'agid "Swisscontact"/ promoziun da la furmaziun professiunala El Salvador").

Projects da vias
Per lavurs vi da la rait da vias grischuna (portal Mut-Untermutten, Spissermühle-Samignun, sviament Claustra, Soazza-San Bernardin/tunnel sid) ha la regenza approvà 11,5 milliuns francs.

Chanzlia chantunala dal Grischun

Gremi: regenza
Funtauna: rg chanzlia chantunala dal Grischun