Navigation

Inhaltsbereich

  • Erste Mitteilung
  • Neuen Beitrag einfügen
RETRAIR LA PATENTA PER LA STAGIUN DA CHATSCHA 2004

Gia uss spetgan ils chatschadurs e las chatschaduras cun fevra la proxima stagiun da chatscha e prendan las primas mesiras. Equipads cun il perspectiv e cun il telescop passentan els mintga minuta libra en il territori da chatscha. Passiunadamain vegni "spievlà", observà la selvaschina e sias disas. A chasa vegnan rimnads ils utensils da chatscha, las victualias e las bavrondas per il transport en la chamona da chatscha. È l'assicuranza da responsabladad obligatoria pajada? Las armas da chatscha ston vegnir sajettadas en e quai mo en ils lieus inditgads da las vischnancas, sco che la lescha prescriva. E la fin finala tutga er il prender la patenta tar las preparaziuns.

En il Fegl uffizial dal chantun Grischun dals 5 d'avust 2004, èn publitgads ils lieus, las datas ed ils temps da l'emissiun da la patenta.

Cun ils megliers giavischs per ina bun'egliada ed ina chatscha cun success!

Gremi: Uffizi da chatscha e pestga
Funtauna: rg Uffizi da chatscha e pestga
Neuer Artikel