La regenza vegn a suttametter al cussegl grond en la sessiun da favrer 2004 in sboz per la revisiun da la lescha chantunala per promover l'economia publica. La cumissiun permanenta per economia, taxas e politica da stadi dal cussegl grond ha tractà e deliberà la missiva da la regenza en sia seduta da mez schaner 2004 per mauns dal cussegl grond. Er il president da la regenza Klaus Huber è stà preschent a quella sesida.

Per singulas disposiziuns dal project da lescha èn vegnidas formuladas propostas da maioritad e da minoritad. La cumissiun giavischa da la regenza da promover il svilup economic en tut ils champs d'activitad dal chantun. Las minoritads da la cumissiun giavischan percunter da stritgar la surdada da premis da promoziun sco er las contribuziuns a la construcziun ed a la renovaziun d'implants da far naiv. Uschiglio è la cumissiun suandada per gronda part las propostas da la regenza.

Sch'il project da lescha vegn acceptà, duain vegnir stgaffidas trais ulteriuras plazzas tar l'uffizi per economia e turissem. En quel reguard ha la cumissiun declerà che quellas stoppian vegnir occupadas successivamain e cun spustaments.

Gremi: cumissiun per economia, taxas e politica da stadi
Funtauna: rg cumissiun per economia, taxas e politica da stadi