Navigation

Inhaltsbereich

  • Erste Mitteilung
  • Neuen Beitrag einfügen
Il 1. da schaner 2005 vegn schlià l'uffizi da dretg civil sco post da servetsch independent ed integrà da nov - sco partiziun cun in champ d'incumbensas midà levamain - en l'uffizi da polizia dal Grischun. En consequenza da questa nova subordinaziun sa cloma il post da servetsch a partir dal 1. da schaner 2005 "uffizi da fatgs da polizia e da dretg civil". La nova partiziun vegn manada da dunna lic. iur. Claudia Röthlisberger-Semadeni, sia substituta è dunna lic. iur. Regina Just Brodbeck. La reorganisaziun en il departament da giustia, polizia e sanitad dal Grischun succeda a medem temp sco la retratga da lic. iur. A. Mattmann che va en pensiun per motivs da vegliadetgna. El ha lavurà durant 37 onns per il chantun Grischun ed è - sco ultim - stà directur da l'uffizi da dretg civil.

L'uffizi da fatgs da polizia e da dretg civil na surpiglia betg tut las incumbensas che l'uffizi da dretg civil aveva fin uss. La surveglianza da fundaziuns vegn attribuida da nov a l'administraziun da finanzas en il departament da finanzas e militar. La cussegliaziun giuridica da las autoritads tutelaras tras il chantun vegn smessa, cunquai ch'ils fatgs tutelars tutgan - tenor la lescha introductiva tar il cudesch civil svizzer - al champ da cumpetenza dals circuls, e quai tant en reguard giuridic sco er organisatori.

Gremi: departament da giustia, polizia e sanitad
Funtauna: rg departament da giustia, polizia e sanitad
Neuer Artikel