En il territori dal Partenz e da l'Engiadina bassa han las precipitaziuns extremas da la segunda mesadad da l'avust chaschunà auazuns cun grondas inundaziuns e cun bovas, da las qualas la dimensiun na po anc betg vegnir giuditgada. Las experientschas en connex cun donns da malaura d'auters onns han mussà ch'ina coordinaziun da las annunzias dals donns sco er da las dumondas da sustegn da la populaziun pertutgada e da las vischnancas è indispensabla en cas da donn pli gronds che cumpiglian pliras vischnancas.
Per quest motiv ha la regenza puspè installà cun il conclus dals 29 d'avust 2005 la cumissiun ch'è gia stada activa en connex cun ils donns da malaura dal november 2002, e quai sut la direcziun dal schef dal departament da construcziun, traffic e selvicultura dal Grischun. Las incumbensas principalas da questa cumissiun èn da prender encunter las annunzias dals donns e las dumondas d'agid sco er da garantir - en collavuraziun cun las ovras e cun las instituziuns d'agid svizras - la coordinaziun e l'assegnaziun da las prestaziuns d'agid or da donaziuns ch'entran.
Las annunzias dals donns pon vegnir drizzadas tras las vischnancas cumpetentas als suandants posts:
- für Schäden an Gebäuden an die Gebäudeversicherung des Kantons Graubünden, Ottostrasse 22, 7001 Chur
- für Schäden an privaten Grundstücken
an die zuständigen Kreisämter
- für Schäden an Gemeindewerken an das kantonale Gemeindeinspektorat, Grabenstrasse 1, 7001 Chur
- für Schäden an nicht versichertem Mobiliar und andere existenzbedrohende Schäden
an das kantonale Sozialamt, Gürtelstrasse 89, 7001 Chur

Ulteriuras infurmaziuns utilas vegnan publitgadas en il proxim fegl uffizial dal chantun.

Gremi: regenza
Funtauna: rg chanzlia chantunala