Gia per la tschintgavla giada surdat il fond cultural Eliette von Karajan premis a persunas grischunas che lavuran sin il champ cultural. Perquai che la famiglia von Karajan ha prendì domicil en il chantun Grischun avant 45 onns, ha Eliette von Karajan fundà l'onn 2000 il "fond cultural Eliette von Karajan" per il chantun Grischun. Grazia a dunna Eliette von Karajan stattan puspè a disposiziun quest onn a la lavur culturala dal Grischun var 150'000 francs per promover iniziativas ed activitads culturalas.
Quest onn vegnan undradas sis persunas giuvnas che lavuran sin il champ cultural ed ina furmaziun da musica, e quai cun in premi principal, cun trais premis da promoziun e cun trais premis per promover talents giuvens. Ils premis duain dar la pussaivladad a questas persunas giuvnas da sa sviluppar vinavant sin lur champ e da pudair sa deditgar en moda anc pli intensiva cun lur lavur culturala. Ultra dal sustegn finanzial èn ils premis er ina stima ed ina conferma da la lavur prestada fin uss.

Las premiadas ed ils premiads da l'onn 2005
Quest onn vegnan undradas cun in premi las suandantas persunas che lavuran sin il champ cultural:

a) Premi principal (50 000 francs)
- Siegfried Friedrich, cumposiziun

b) Premis da promoziun (mintgamai 20 000 francs)
- Achim Lenz, teater/reschia
- Ariane Senn, actura
- Andi Schnoz, musica

c) Premis per promover talents giuvens (mintgamai 15 000 francs)
- Magdalena Nadolska, teater
- Daniella Gerszt, musica
- Breitbild, musica
(Thomas Businger, Andri Perl, Valerio Priuli, Claudio Candinas, Stefan Jäger)

Gremi: DECA, cusseglier guvernativ Claudio Lardi
Funtauna: rg promoziun da la cultura dal Grischun