Dapi stgars diesch onns pudais Vus prender invista dal cudesch da dretg grischun en l'internet - però mo da la versiun tudestga. La chanzlia chantunala dal Grischun ha ussa translatà la collecziun sistematica da leschas er en talian ed integrà ella sut www.gr.ch en il cudesch da dretg grischun electronic.

Tut las funcziuns da tschertga cumprovadas da la pagina d'internet d'enfin ussa èn restadas las medemas ed èn vegnidas adattadas per ils cuntegns talians. La versiun rumantscha dal cudesch da dretg grischun vegn ad esser avant maun sin l'internet fin la mesadad da l'onn 2006.

Gremi: chanzlia chantunala dal Grischun
Funtauna: rg chanzlia chantunala dal Grischun