Navigation

Inhaltsbereich

  • Erste Mitteilung
  • Neuen Beitrag einfügen
La regenza dal pajais federativ austriac dal Vorarlberg – in gremi da set persunas – visita damaun il Grischun.

La delegaziun dal pajais vischin vegn manada dal guvernatur Herbert Sausgruber e consista plinavant dal vicepresident da la regenza Hans-Peter Bischof, da cusseglier Erich Schwärzler, da cusseglier Manfred Rein, da cusseglier Siegmund Stemer, da cussegliera Greti Schmid e da cusseglier Dieter Egger. Accumpagnada vegn la regenza dal Vorarlberg dal schef da l'uffizi da la regenza Johannes Müller. La regenza grischuna – manada da la presidenta da la regenza Eveline Widmer-Schlumpf – vegn ad esser preschenta cumplettamain.

Suenter la beneventaziun dals giasts en la chasa grischa a Cuira e suenter ina discussiun davart temas interessants per tuttas duas varts, è previs da visitar la catedrala da Cuira ch'è parzialmain renovada. La scuntrada da las regenzas vegn terminada cun ina tschaina communabla.

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel