Navigation

Inhaltsbereich

  • Erste Mitteilung
  • Neuen Beitrag einfügen
Quant cuntentas e quant cuntents èn las burgaisas svizras ed ils burgais svizzers cun ils portals d'internet dals chantuns? L'institut per psicologia da l'universitad da Basilea emprova da sclerir questa dumonda. Cun il consentiment dals chantuns fa l'institut ina retschertga davart la cuntentientscha en il sectur dal e-government en Svizra. Tras ina retschertga online duai vegnir eruì quant cuntentas e quant cuntents che las utilisadras e ch'ils utilisaders èn cun ils portals d'internet da tut ils 26 chantuns svizzers.
Er il chantun Grischun sa participescha a questa retschertga online. Fin la fin d'october han persunas interessadas la pussaivladad da valitar la purschida online dal chantun sin www.gr.ch. En tut ston vegnir respundidas 19 dumondas. Ils resultats gidan a meglierar la qualitad da la purschida.

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel