Ina delegaziun da 14 persunas dal cussegl grond da l'Argovia vegn mesemna, ils 15 da favrer 2006 a far ina visita a las collegas ed als collegas dal Grischun a Cuira, e quai durant la sessiun da favrer. La delegaziun da l'Argovia vegn manada da la presidenta dal cussegl grond Corina Eichenberger-Walther e da la vicepresidenta Esther Egger-Wyss. Tranter auter vegnan ellas accumpagnadas da la presidenta da la fracziun Susanne Hochuli (verds) e dals presidents da las fracziuns Andreas A. Glarner (PPS), Markus Leimbacher (PS), Andreas Brunner (PCD), Urs Haeny (PLD), und Roland Bialek (PEV).

Ils giasts dal chantun Argovia vegnan retschavids dal president dal cussegl grond Hans Geisseler e da la vicepresidenta dal cussegl grond Agathe Bühler-Flury. Da la vart grischuna sa participeschan a questa scuntrada tranter auter ils presidents da las fracziuns, il president da la regenza Claudio Lardi sco er il chancelier dr. Claudio Riesen. Il program prevesa la damaun la visita da las tractativas currentas dal cussegl grond ed il suentermezdi ina visita dal Partenz davant e dal Signuradi.

Remartga per las medias:
A las 10.10 As stattan la presidenta Corina Eichenberger-Walther ed il president Hans Geisseler sco er las vicepresidentas Esther Egger-Wyss ed Agathe Bühler-Flury a disposiziun per ina fotografia sper l'entrada da l'edifizi dal cussegl grond a Cuira.

Gremi: chanzlia chantunala dal Grischun
Funtauna: rg chanzlia chantunala dal Grischun