L'uffizi da fatgs da polizia e da dretg civil dal Grischun avra ina chasa da dimora per requirentas e per requirents d'asil en la vischnanca da Vaz. L'avertura è previsa mez december 2006.
Cun la fin da l'onn mida il possessur da l'immobiglia "Ried" a Landquart l'utilisaziun da quest stabiliment che serviva fin ussa sco chasa da dimora per requirentas e per requirents d'asil. L'edifizi na stat betg pli a disposiziun al chantun sco chasa da dimora en il rom da ses concept da collocaziun per requirentas e per requirents d'asil. Empè da quai prenda l'uffizi da fatgs da polizia e da dretg civil dal Grischun a fit novas plazzas d'alloschi en l'immobiglia "Bergwald" che sa chatta sin il territori da la vischnanca da Vaz.
L'avertura ha lieu mez december 2006. En questa chasa da dimora vegnan collocadas circa 50 persunas or dal sectur d'asil. Per garantir che l'avertura haja lieu senza problems, ha l'uffizi da fatgs da polizia e da dretg civil dal Grischun orientà las autoritads communalas. Las emprimas resalvas da la suprastanza communala han pudì vegnir relativadas per gronda part en ina discussiun.

Gremi: uffizi da fatgs da polizia e da dretg civil
Funtauna: rg uffizi da fatgs da polizia e da dretg civil dal Grischun