L'uffizi per economia e turissem dal chantun Grischun ha publitgà ina broschura d'infurmaziun davart il project actual "structuras cumpetitivas e repartiziun da las incumbensas en il turissem grischun". La broschura descriva pli detagliadamain en ina versiun curta il project ch'è vegnì preschentà il cumenzament da favrer dal departament da l'intern e da l'economia publica sut la direcziun da cusseglier guvernativ Hansjörg Trachsel. Plinavant vegnan resumads ils trais rapports da basa. La broschura cumpiglia en total 16 paginas. Ella vegn tramessa a tut las organisaziuns da turissem en il chantun Grischun e quellas la transmettan a las vischnancas.

Il departament da l'intern e da l'economia publica propona ensemen cun ses team da project e cun ina gruppa d'expertas e d'experts ina clera repartiziun da las incumbensas tranter organisaziuns da turissem localas e regiunalas. La structura da destinaziun per il turissem grischun che vegn provotgada uschia duai far frunt al regress drastic da la dumonda. Fin la fin da la stad 2006 vegnan ad esser avant maun propostas da realisaziun concretas.

La broschura stat a disposiziun en l'internet sut www.awt.gr.ch sut la rubrica "Übersicht" per vegnir chargiada sin l'agen computer u po vegnir empustada gratuitamain tar l'uffizi per economia e turissem, Grabenstrasse 1, 7001 Cuira (081 257 23 42 u info@awt.gr.ch) (fin che la provisiun tanscha).

Gremi: departament da l'intern e da l'economia publica dal Grischun
Funtauna: rg uffizi per economia e turissem