Damaun, mesemna ils 29 da mars 2006, visita la regenza dal chantun Uri il Grischun. La delegaziun dal chantun Uri vegn manada dal president da la regenza Josef Arnold. Ella consista dal vicepresident da la regenza Markus Stadler, da cusseglier guvernativ Isidor Baumann, da cussegliera guvernativa Heidi Z'graggen, da cusseglier guvernativ Josef Dittli, da cusseglier guvernativ Markus Züst e da cusseglier guvernativ Stefan Fryberg. La regenza dal chanatun Uri vegn accumpagnada da chancelier Peter Huber. La regenza grischuna - manada dal president da la regenza Claudio Lardi - vegn ad esser preschentaen globo. Er las partenarias ed ils partenaris èn envidads.
Suenter il bainvegni dals giasts en la chasa grischa a Cuira visitan las duas delegaziuns il museum retic a Cuira. Suenter è previs in viadi si Planeiras, in gentar communabel ed ina visita a la setgentaria da charn da la regiun. La scuntrada serva en emprima lingia a la tgira da las relaziuns amicablas ed al barat d'experientschas sin ils champs da la cultura, da l'economia e da la politica.

Gremi: chanzlia chantunala dal Grischun
Funtauna: rg chanzlia chantunala dal Grischun