Navigation

Inhaltsbereich

  • Erste Mitteilung
  • Neuen Beitrag einfügen
RETRATGA DA LA PATENTA DA PESTGA PER LA STAGIUN DA PESTGA 2006

Plaunsieu lieuan naiv e glatsch. Per la flora e la fauna munta quai il nov cumenzament en il ritmus annual da la natira.
Tar las pestgadras ed ils pestgaders sveglia quai il plaschair anticipà sin la proxima pestga. Tar las preparativas per la stagiun da pestga tutga er la retratga da la patenta da pestga.
Per pudair retrair la patenta per in onn u ina patenta mensila ston ins cumprovar ch'ins haja enconuschientschas da la pestga. Per quest intent vegnan purschids il mument en differents lieus dal chantun Grischun curs da scolaziun.
Tut las patentas pon ins retrair tar il survegliader da pestga resp. sin il biro per passaports e patentas. En il fegl uffizial dal chantun Grischun dal 30 da mars 2006 u sin la homepage da l'uffizi da chatscha e pestga (www.jagd-fischerei.gr.ch) èn publitgads per ils singuls districts da pestga ils lieus per retrair la patenta.

Cun buna pestga!

Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun
Neuer Artikel