En la sala dal cussegl grond vegn gievgia, ils 4 da matg 2006 da las 18.00 fin las 20.00, la cussegliadra d'interpresas, psicologa ed autura da cudeschs Maria Hof-Glatz a sclerir ils motivs da las culturas linguisticas dals umens e da las dunnas ed a dar tips per ina meglra communicaziun tranter dunnas ed umens.

Las dunnas ed ils umens dovran la medema lingua. Mintgatant discurran ellas ed els dentant ina sper l'auter vi. Ils umens dovran la lingua e la communicaziun savens sco strategia per marcar lur posiziun. Las dunnas percunter avran spazis per lur visavi. Entant che las dunnas guntgeschan plitost ils conflicts, prendan ils umens cuntraversas verbalas sco sfidas bainvegnidas. Il depurtament different dat malchapientschas en la communicaziun tranter las dunnas ed ils umens. Cun savair dapli davart quest depurtament different creain nus ina situaziun "win-win" per domaduas schlattainas.

Questa occurrenza publica che vegn concludida cun in apero en il rom dal FORUM per las collavuraturas da l'administraziun chantunala vegn organisada dal post da stab per dumondas d'equalitad e po vegnir visitada da dunnas e dad umens. I dat anc plazzas libras. S'annunziai per plaschair fin ils 26 d'avrigl 2006 a info@gleichstellung.ch u per telefon sin 081/ 257 35 70.

Gremi: post da stab per dumondas d'egualitad dal chantun Grischun
Funtauna: rg post da stab per dumondas d'egualitad dal chantun Grischun