La scienziada Stefanie Brinkmann ed il bibliotecari chantunal Wolfgang Giella tegnan venderdi, ils 7 da fanadur 2006, a partir da las 17.00, en la biblioteca chantunala dal Grischun in referat cun il titel "L'Iran - pajais, religiun, stadi ed administraziun". Tractads vegnan l'etnografia, la religiun, il sistem da stadi e la giustia sco er l'administraziun politica. Ils referats duain gidar a pudair encleger meglier ils process politics en l'Iran. Dumondas sco "tgi decida", "co èn structuradas la legislativa, l'executiva e la giudicativa en l'Iran" u "tgi era Ahmadinejad avant sia victoria tar las elecziuns en l'Iran e tgi al ha elegì" vegnan tractadas e respundidas en questa seria da referats. Ils referats sa drizzan a tut ils circuls ch'èn interessads vi da l'istorgia actuala e vi da la politica.
Stefanie Brinkmann ha studegià arabistica ed iranistica. Actualmain lavura ella sco collavuratura scientifica en l'universitad da Lipsia. L'occurrenza da la biblioteca chantunala dal Grischun è publica e dura circa fin las 20.30.

Gremi: biblioteca chantunala dal Grischun
Funtauna: rg biblioteca chantunala dal Grischun