Cun la data dals 25 da fanadur 2006 èn vegnidas distribuidas disposiziuns davart la taglia anticipada che cuntegnan in sbagl. L'adressa da restituziun che la disposiziun cuntegna è faussa. Il pajament da la taglia anticipada n'è betg pertutgà da quai; el vegn fatg a l'adressa correcta. Las pajataglias pertutgadas ed ils pajataglias pertutgads n'han nagin donn da quai ed ellas respectivamain els na ston er betg far insatge per cuntanscher in pajament correct.
Ils proxims dis vegn la taglia anticipada pajada - sco annunzià - sin il conto correct. Las persunas pertutgadas pon uschia controllar facilmain, sche la taglia anticipada è vegnida restituida en moda correcta.
Ils motivs precis che han chaschunà il sbagl n'èn anc betg enconuschents; els vegnan examinads per il mument. Da la disposiziun sbagliada èn pertutgadas e pertutgads circa 10'000 pajataglia.
L'administraziun da taglia deplorescha questa sventira e sa perstgisa tar las pajataglia pertutgadas respectivamain tar ils pajataglia pertutgads per las malempernaivladads chaschunadas.

Gremi: administraziun da taglia
Funtauna: rg administraziun da taglia