Navigation

Inhaltsbereich

  • Erste Mitteilung
  • Neuen Beitrag einfügen
La giunta accumpagnanta internaziunala dal program interreg IIIA "Italia-Svizra" sa raduna gievgia, ils 8 da zercladur 2006, en il hotel vella da la posta a Vulpera. En discussiun stattan l'approvaziun dal rapport annual da la cooperaziun che surpassa ils cunfins en il territori Italia/Svizra, l'evaluaziun da la lavur da program sco er l'orientaziun davart ils novs programs da promoziun da l'UE per la perioda 2007 fin 2013.
Preschents èn represchentantas ed represchentants da l'UE, da l'administraziun taliana a Ruma e da l'administraziun federala a Berna sco er las delegadas ed ils delegads d'interreg da las regiuns da la Val d'Aosta, dal Piemunt, da la Lumbardia, da Bulsaun, dal Vallais, dal Tessin e dal Grischun. Sco represchentant grischun sa participescha il cusseglier guvernativ Hansjörg Trachsel a la dieta.
Dapi 1990 stat interreg per l'integraziun da las regiuns en il territori europeic. Interreg promova e finanziescha projects che surpassan ils cunfins, per cuntanscher sur ils cunfins in svilup equilibrà da las regiuns.

Gremi: uffizi per economia e turissem
Funtauna: rg uffizi per economia e turissem
Neuer Artikel