La regenza grischuna ha approvà il concept per elavurar in nov med per l'instrucziun da realias en rumantsch grischun. Ils custs importan 365'000 francs.
Entant che las scolas da lingua tudestga han ina gronda tscherna da meds per l'instrucziun da realias en las 1. fin 3. classas, han las persunas d'instrucziun rumantschas stuì renunziar ad ina purschida correspundenta fin oz ed han stuì elavurar sezzas - sa basond sin il plan d'instrucziun - tut ils cuntegns per l'instrucziun. L'emprim tom dal nov med d'instrucziun duai star a disposiziun per l'onn 2008/09 ed il segund tom per l'onn da scola 2009/10.

Da vischnancas e da regiuns
Rossa e Mesauc: Il project cunter auas grondas da las vischnancas da Rossa e da Mesauc vegn approvà. Als custs vegn garantida ina contribuziun chantunala da maximalmain 236'600 francs.
Savognin: La constituziun da la vischnanca da Savognin dals 18 da zercladur 2007 vegn approvada.
Domat: La revisiun parziala da la constituziun communala da la vischnanca da Domat, ch'è vegnida concludida a chaschun da la votaziun a l'urna dals 13 da matg 2007, vegn approvada.
Parpan: La revisiun parziala da la planisaziun locala da la vischnanca da Parpan dals 15 da matg 2007 vegn approvada. Davart il plan da zonas parzial 1:1'000 Obertor vegn decidì pli tard.
Donat: La revisiun parziala da la planisaziun locala da la vischnanca da Donat dals 13 da december 2006 vegn approvada cun pitschnas resalvas.
Malix: La revisiun parziala da la planisaziun locala da la vischnanca da Malix dals 24 da november 2006 vegn approvada.
Val S. Pieder: La revisiun parziala da la planisaziun locala da la vischnanca da Val S. Pieder dals 17 da zercladur 2007 vegn approvada.

Contribuziuns chantunalas a differentas instituziuns
Viafier retica: Per procurar per 12 vaguns a motor novs vegn garantida a la viafier retica ina contribuziun chantunala tenor la lescha davart l'egualitad dals impedids da maximalmain 880'000 francs sco contribuziun à fonds perdu.
Scola professiunala a Cuira: Il project per endrizzar da nov l'edifizi en la Sennensteinstrasse 6b da la scola professiunala a Cuira vegn approvà. A l'instituziun responsabla vegn garantida ina contribuziun chantunala da construcziun da maximalmain 65'469 francs.
Agid umanitar: Per dus projects d'agid umanitar ha la regenza mess a disposiziun ina summa totala da 20'000 francs. Contribuziuns vegnan fatgas a la chadaina da fortuna a favur da l'acziun da collecta "malauras en Svizra" sco er a la crusch cotschna svizra a favur da l'acziun d'agid d'urgenza per las victimas da las inundaziuns en l'Asia.

Projects da vias
La regenza ha approvà totalmain 3'315'000 francs per construir e per sanar ils suandants trajects da vias:

- via sursilvana: lavurs d'impressari e da cuvrida correcziun da la via Trun - Rabius

- via naziunala A28: lavurs d'impressari tar il sviament da Saas, via da guaud Pagrüeg
- via dal Bernina: rempars cunter il vent e rempars da lavinas sin il pass dal Bernina - Storta Bianca

Gremi: regenza
Funtauna: rg chanzlia chantunala dal Grischun