Navigation

Inhaltsbereich

  • Erste Mitteilung
  • Neuen Beitrag einfügen
Diesch posts da servetsch da l'administraziun chantunala retiran il settember novas localitads a Roveredo. La polizia chantunala, l'uffizi d'inquisiziun, l'uffizi forestal, il servetsch social regiunal, l'intermediaziun da lavur regiunala, il servetsch psicologic da scola, l'inspecturat da scola e da scolina, la cussegliaziun da professiun e da carriera, il cumissariat da taglia sco er il district da stimaziun 3 sa chattan da nov sut in tetg en il center ch'è gist vegnì construì da posts da servetsch (centro regionale dei servizi). Tut quests posts da servetsch èn stads alloschads fin ussa en differents lieus a Roveredo ed a Grono.
Tras quai che posts da servetsch, ch'èn plazzads en moda eterogena, vegnan reunids en in center d'aministraziun, èsi pli facil per la clientella da chattar ils posts da consultaziun da l'administraziun chantunala e la collavuraziun tranter ils posts da servetsch vegn sustegnida. La reorganisaziun spaziala cun la furmaziun d'in subcenter regiunal pussibilitescha - cun trair a niz las sinergias - d'optimar ils andaments da manaschi e da simplifitgar l'administraziun da las localitads ed uschia er da spargnar custs.
Il concept da centers d'administraziun regiunals è gia vegnì realisà a Landquart ed a Glion. Igl è planisà da realisar ulteriurs subcenters a Tavau, a Puschlav, a Samedan, a Scuol ed a Tusaun.

Gremi: uffizi da construcziun auta dal Grischun
Funtauna: rg uffizi da construcziun auta dal Grischun
Neuer Artikel