Ina delegaziun da 10 persunas dal cussegl grond da la Turgovia vegn mardi, ils 23 d'october 2007 a visitar las collegas ed ils collegas dal Grischun a Cuira, e quai durant la sessiun d'october. A la testa da la delegaziun da la Turgovia stattan il president dal cussegl grond Willy Nägeli ed il vicepresident Christian Lohr. Els vegnan accumpagnads tranter auter da las commembras e dals commembers dal parlament Marianne Moinat-Höltschi, Giosch Antoni Sgier, Gottblieb Schär, Silvia Schwyter-Mäder, Hanspeter Wehrle e Renate Bruggmann.
Ils giasts dal chantun Turgovia vegnan beneventads dal president dal cussegl grond Leo Jeker e dal vicepresident dal cussegl grond Corsin Farrér. Da las Grischunas e dals Grischuns sa participeschan a la scuntrada - ultra da las presidentas e dals presidents da fracziun - il president da la regenza Martin Schmid e cusseglier guvernativ Claudio Lardi. Il program prevesa la damaun la visita da las tractativas currentas dal cussegl grond ed il suentermezdi ina visita da la Cedes SA ad Igis-Landquart.

Gremi: chanzlia chantunala dal Grischun
Funtauna: rg chanzlia chantunala dal Grischun