Ils 8 da november 2007 èsi puspè uschè lunsch: il 7. di naziunal da la figlia ha lieu. Persunas d'instrucziun che vulan far en lur stanza da scola in di plain tensiun cun ils mats, èn puspè dumandadas spezialmain quest onn. Els pon numnadamain empustar sur la pagina d'internet www.tochtertag.ch moduls d'instrucziun gia pronts, materialias per preparar e per realisar quest di da la figlia per ils mats. Qua tras èsi er gist ditg: Il di da la figlia è in di da scola, dal qual omadus pon profitar, las mattas ed ils mats. Er sche betg tut las mattas na visitan lur geniturs a la plazza da lavur, chattan las persunas d'instrucziun material d'instrucziun per lur classa maschadada.

Er quest onn datti al di naziunal da la figlia ina concurrenza per mats e per mattas , ed i dat dus programs spezials:
- A persunas d'instrucziun interessadas intermediescha il post spezialisà UND umens che fan per almain in di l'emna lavurs da famiglia e da tegnairchasa e che stattan a disposiziun sco "model animont" per ina perspectiva da vita moderna per mats. Els vegnan en scola e raquintan da lur motivs da cumbinar vita professiunala e famiglia. Tschertgads èn perquai er babs grischuns! Dapli infurmaziuns sut www.und-online.ch .
- Sut il titel "mattas-tecnica dai!" intermediescha la coordinatura dal di naziunal da la figlia plazzas da fufragnadi en professiuns d'inschigner. Uschia duain las mattas vegnir fatgas attentas sin las carrieras professiunalas attractivas en mastergns tecnics. Il di da la figlia lavura en quest connex ensemen cun IngCH (inschigniers per la Svizra da damaun) e cun l'associaziun svizra da las dunnas inschigneras ASDI.

Geniturs, patrunas e patruns e persunas d'instrucziun ch'èn interessads da realisar il di da la figlia obtegnan documents ed infurmaziuns tar il post da stab per l'egualitad da las schanzas, tel. 081 257 35 70 e info@chancengleichheit.gr.ch u tar il post naziunal da coordinaziun, tel. 044 271 44 90 www.tochtertag.ch. Sin questa pagina d'internet pon ins empustar u chargiar giu tut las infurmaziuns e tut il material d'instrucziun.

Gremi: post da stab per l’egualitad da las schanzas
Funtauna: rg post da stab per l’egualitad da las schanzas