L'ambassadur da la Republica federala tudestga, Andreas von Stechow, visita venderdi, ils 9 da november 2007, il chantun Grischun. El vegn accumpagnà da sia dunna Junko Ohtsu-von Stechow. Suenter il bainvegni dals giasts en la chasa grischa a Cuira è previs in gentar communabel. Lura è planisada ina visita guidada en la catedrala ch'è gist vegnida restaurada. Ils ospitants èn il president da la regenza Martin Schmid ed il chancelier Claudio Riesen.
La regenza tgira mintga onn contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas materialas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: chanzlia chantunala dal Grischun
Funtauna: rg chanzlia chantunala dal Grischun