Il chantun Grischun ha mess en funcziun ier la chasa da dimora per requirentas e per requirents d'asil a Valzeina, e quai suenter lavurs da preparaziun pli lungas. La chasa da dimora porscha plazza a circa 35 persunas e vegn duvrada ad interim sco center d'expulsiun.
Ier, gievgia, è la chasa da dimora per requirentas e per requirents d'asil a Valzeina vegnida messa en funcziun. Quai è capità senza problems, suenter che intginas adattaziuns architectonicas èn vegnidas fatgas. La chasa da dimora vegn duvrada sco center d'expulsiun. Alloschi a Valzeina survegnan persunas, da las qualas il termin da partenza è scadì. La dimora en il center d'expulsiun vegn duvrada per preparar il return en la patria u la partenza en in ulteriur stadi. En il center d'expulsiun vivan l'emprim 15 fin 20 persunas. El porscha dentant plazza per totalmain circa 35 persunas.

Gremi: uffizi da fatgs da polizia e da dretg civil
Funtauna: rg uffizi da fatgs da polizia e da dretg civil dal Grischun