Mesemna, ils 21 da mars 2007, visita la regenza dal chantun Argovia il Grischun. La delegaziun dal chantun Argovia vegn manada dal president chantunal Kurt Wernli. Ella sa cumpona dal vicepresident da la regenza Ernst Hasler e dals cussegliers guvernativs Peter C. Beyeler, Roland Brogli sco er Rainer Huber. La regenza dal chantun Argovia vegn accumpagnada dal chancelier Peter Grünenfelder. La regenza grischuna - manada dal president da regenza Martin Schmid - vegn ad esser preschenta cumplettamain. Er las partenarias ed ils partenaris èn envidads.
Suenter il bainvegni dals giasts en la chasa grischa a Cuira èn previs in viadi ad Arosa, in gentar communabel ed ina visita da l'oasa da wellness al Grand Hotel Tschuggen. La visita serva en emprima lingia a la tgira da las relaziuns amicablas ed al barat d'experientschas sin ils champs da la cultura, da l'economia e da la politica.

Gremi: chanzlia chantunala dal Grischun
Funtauna: rg chanzlia chantunala dal Grischun