Navigation

Inhaltsbereich

  • Erste Mitteilung
  • Neuen Beitrag einfügen
Ina delegaziun da 11 persunas dal cussegl grond dal chantun Turitg fa mesemna, ils 13 da zercladur 2007, durant la sessiun da zercladur, ina visita a las collegas ed als collegas dal Grischun a Cuira. La delegaziun da Turitg vegn manada da la presidenta dal cussegl grond Ursula Moor-Schwarz. Ella vegn accumpagnada tranter auter da la presidenta da fracziun Esther Guyer (ils verds) e dals presidents da fracziun Ruedi Lais (PS), Peter Reinhard (PEV) e Thomas Weibel (partida verd-liberala PVL).
Retschavids vegnan ils giasts dal chantun Turitg da la presidenta dal cussegl grond Agathe Bühler-Flury e dal vicepresident dal cussegl grond Leo Jeker. Da la vart grischuna sa participeschan a questa scuntrada tranter auter ils presidents da las fracziuns, ulteriuras represchentantas ed ulteriurs represchentants da las fracziuns, il president da la regenza Martin Schmid, il vicepresident da la regenza Stefan Engler sco er il chancelier Claudio Riesen. Il program prevesa da visitar l'avantmezdi las tractativas currentas dal cussegl grond. Suenter è in viadi communabel a Glion ed a Domat sin il program.

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel