Cuntegn da la pagina

Ina nova procuratura per giuvenils ed ina nova inquisitura

  • Erste Mitteilung
  • Neuen Beitrag einfügen
La procura per giuvenils dal chantun Grischun rinforza il persunal. La cussegliera guvernativa Barbara Janom Steiner, scheffa dal departament da giustia, segirezza e sanadad ha tschernì lic.iur. Bettina Ott Guyan, naschida 1967, da Fideris e da Winterthur, sco nova procuratura per giuvenils. Bettina Ott Guyan lavura dapi 1997 sco inquisitura tar la procura publica dal Grischun a Cuira. Ella cumenza sia nova plazza il 1. d'october 2008.

Sco successura da Bettina Ott Guyan è vegnida tschernida lic.iur. Corina Collenberg, naschida 1977, da Lumbrein, domiciliada a Cuira. Corina Collenberg ha frequentà il gimnasi a la scola claustrala da Mustér. Suenter la matura ha ella absolvì il studi da giurisprudenza a las universitads da Turitg e da Losanna. L'onn 2006 ha ella fatg la patenta d'advocata. Dapi il favrer 2005 lavura Corina Collenberg sco inquisitura tar la procura publica da Son Gagl, uffizi d'inquisiziun ad Uznach. Ella cumenza sia plazza medemamain il 1. d'october 2008.

Persuna che dat infurmaziuns:
- Renato Fontana, emprim procuratur public, tel. 081 257 25 51

Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel