Cuntegn da la pagina

Med d'instrucziun SCHANZA per ina planisaziun da professiun e da vita averta

  • Erste Mitteilung
  • Neuen Beitrag einfügen
Oz èn las schanzas da furmaziun per dunnas e per umens cumparegliablas. Dentant na portan ellas anc quasi nagins fritgs evidents en il mund da lavur ed en la repartiziun da l'activitad da gudogn e da la lavur da famiglia. Midadas positivas èn pussaivlas, sche las differenzas tranter las schlattainas, l'emprender per vita duranta e la cumpatibilitad da la professiun cun la famiglia vegnan tematisadas en l'instrucziun da la tscherna da professiun. Las experientschas cun las unitads d'instrucziun mussan cleramain ch'ils giuvenils han fitg grond interess d'integrar perspectivas da vita en il process da la tscherna da professiun.

Cun il med d'instrucziun SCHANZA, che sa cumpona d'in carnet e d'in CD, vegnan las persunas d'instrucziun sco er ils giuvenils en la vegliadetgna da 12 fin 20 onns sensibilisads per las differenzas tranter las giuvnas ed ils giuvens en il process da la tscherna da professiun ed en la planisaziun da professiun e da vita. Tut las ideas per l'instrucziun dal med d'instrucziun èn vegnidas sviluppadas ed examinadas en il rom dal project chantunal SCHANZA GRISCHUNA sut la direcziun da Doris Caviezel- Hidber.

La realisaziun da quest med d'instrucziun innovativ e quadriling è vegnida pussibilitada tras la donaziun generusa dal schef da concern da la Migros Herbert Bolliger. Il med d'instrucziun SCHANZA cumpara il 1. da settember 2008 e po vegnir retratg per 65 francs tar il post da stab per l'egualitad da las schanzas dal chantun Grischun u tar la chasa editura per meds d'instrucziun dal Grischun.

Gremi: post da stab per l'egualitad da las schanzas
Funtauna: rg post da stab per l'egualitad da las schanzas
Neuer Artikel