Cuntegn da la pagina

Concedì contribuziuns da la concurrenza per promover la lavur culturala professiunala 2008 vi da projects pitschens

  • Erste Mitteilung
  • Neuen Beitrag einfügen
La promoziun da la cultura dal Grischun ha realisà quest onn per l'emprima giada ina concurrenza per promover la lavur culturala professiunala vi da projects pitschens. A diesch artistas ed artists èn vegnidas surdadas contribuziuns en la dimensiun da totalmain 75'000 francs.

La concurrenza è vegnida annunziada il zercladur 2008 en la pressa quotidiana grischuna ed en il bulletin d'art svizzer. Il termin d'annunzia è scadì ils 15 d'avust 2008. Esther Krättli Jenny (presidenta da la concurrenza per promover la lavur culturala professiunala [projects gronds] e commembra da la cumissiun per promover la cultura) ed Armon Fontana (promoziun da la cultura dal Grischun) han - sco commembers da la giuria - analisà da mez fin la fin d'avust ils 59 projects inoltrads che derivan da las spartas culturalas las pli differentas.

Ils projects che las artistas e ch'ils artists han inoltrà èn vegnids giuditgads da la giuria areguard lur qualitad ed areguard lur professiunalitad. Grazia als stipendis libers e grazia a las contribuziuns ad ovras duain las singulas artistas ed ils singuls artists pudair sa deditgar per in tschert temp a lur activitad creativa u realisar in tschert project cultural, e quai independentamain d'in squitsch professiunal e finanzial.

Sin recumandaziun da la giuria da la concurrenza sco er sin proposta da l'uffizi da cultura e dal departament d'educaziun, cultura e protecziun da l'ambient sustegna la regenza ils diesch projects da las suandantas artistas e dals suandants artists cun ina contribuziun da mintgamai 7'500 francs:

1) Linard Bardill (1956), Scharàns
sparta: musica
contribuziun per: program da chanzuns d'uffants "Guglielm Tell per la scolina"

2) Bianca Brunner (1974), Domat
sparta: art figurativ
contribuziun per: cuntinuaziun da las lavurs fotograficas

3) Martin Armin Caduff (1988), Tartar
sparta: musica
stipendi liber

4) Linard Candreia (1957), Laufen
sparta: litteratura
contribuziun per: "In foravia da Murmarera. Davart la curta vita da l'emigrant e stagiunari Flurin Lozza (1870 - 1919)"

5) Daniel Mettler (1965), Pascale Wiedemann (1966), Cuira
sparta: art figurativ
contribuziun per: lavurs fotograficas "natiras mortas"

6) Peter Trachsel (1949), Küblis
sparta: art figurativ
contribuziun per: 14 spazis per l'art u sch'i daventa stgir en la val (projects d'art en il Partenz)

7) Eva Roselt (1959), Andrea Zogg (1957), Tumein
sparta: teater
contribuziun per: lavurs vi dal scenari "Stattführung"

8) Stefan Rüesch (1963), Razén
sparta: art figurativ
stipendi liber

9) Dino Simonett (1963), Turitg
sparta: litteratura/istorgia culturala
contribuziun per: documentaziun "La pensiun Chastè a Segl Baselgia"

10) Peter Conradin Zumthor (1979), Haldenstein
sparta: musica
contribuziun per: Niggli / Zumthor - duo da battaria

Infurmaziuns:
Armon Fontana, promoziun da la cultura dal Grischun, Loëstrasse 26, 7001 Cuira,
tel. 081 254 16 02, e-mail: armon.fontana@afk.gr.ch.

Gremi: uffizi da cultura
Funtauna: rg uffizi da cultura
Neuer Artikel