Cuntegn da la pagina

Sessiun dal cussegl grond en la regiun: decisiun preliminara a favur da la vischnanca da Puschlav

  • Erste Mitteilung
  • Neuen Beitrag einfügen
En connex cun la sessiun dal cussegl grond che duai avair lieu en la regiun ha la conferenza da las presidentas e dals presidents dal cussegl grond prendì ina decisiun preliminara a favur da la vischnanca da Puschlav. Differents motivs, en spezial però il fatg che sessiuns en la regiun han gia gì lieu a Mustér, a Tavau ed a Landquart, dentant anc mai en il Grischun talian, han motivà la conferenza da las presidentas e dals presidents ch'è vegnida installada dal cussegl grond sco cumissiun predeliberanta da proponer al cussegl grond da manar tras la sessiun da zercladur 2009 a Puschlav. Ultra da quai ha Puschlav inoltrà ina candidatura persvadenta. Il cussegl grond concluda definitivamain en chaussa probablamain en la sessiun da zercladur 2008.
La realisaziun da la sessiun en la regiun è vegnida publitgada uffizialmain per la candidatura l'onn passà, suenter che la dumonda - ch'è vegnida inoltrada da la deputada Barla Cahannes Renggli - da prender in conclus direct concernent il cussegl grond extra muros è vegnida acceptada dal cussegl grond cun ina gronda maioritad ils 14 da favrer 2007. En total èn vegnidas inoltradas sis candidaturas, e però da las vischnancas da Puntraschigna, da Puschlav, da Samignun, da Scuol e da Zernez sco er da la regiun dal Grischun central cun Savognin sco lieu da sessiun.

Gremi: conferenza da las presidentas e dals presidents dal cussegl grond
Funtauna: rg conferenza da las presidentas e dals presidents dal cussegl grond
Neuer Artikel