Cuntegn da la pagina

Il Grischun sa participescha a la retschertga online davart la cuntentientscha da las utilisadras e dals utilisaders cun ils portals d'internet dals chantuns

  • Erste Mitteilung
  • Neuen Beitrag einfügen
Quant cuntentas e quant cuntents èn las burgaisas svizras ed ils burgais svizzers cun ils portals d'internet dals chantuns? L'institut per psicologia da l'universitad da Basilea emprova da sclerir questa dumonda. Cun il consentiment dals chantuns fa l'institut - suenter l'onn 2006 - ina segunda retschertga davart la cuntentientscha en il sectur dal e-government en Svizra. Tras ina retschertga online duai vegnir eruì, quant cuntentas e quant cuntents che las utilisadras e ch'ils utilisaders èn cun ils portals d'internet da tut ils 26 chantuns svizzers.
Er il chantun Grischun sa participescha puspè a questa retschertga online. A partir d'immediat fin mez december 2008 han persunas interessadas la pussaivladad da valitar la purschida online dal chantun sin www.gr.ch. Il questiunari sa divida en differents secturs e cuntegna 32 dumondas. Ils resultats gidan a meglierar la qualitad da la purschida. Las participantas ed ils participants da la retschertga han la pussaivladad da sa participar ad ina concurrenza e da gudagnar in iPod Shuffle.

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel