Navigation

Inhaltsbereich

  • Erste Mitteilung
  • Neuen Beitrag einfügen
La Punt Chamues-ch: La revisiun parziala da la planisaziun locala da la vischnanca da La Punt Chamues-ch dals 18 da december 2007 vegn approvada cun incumbensas.

Contribuziuns chantunalas a differentas instituziuns
Project collectiv "selvicultura 2008": La regenza grischuna ha approvà il project collectiv "selvicultura 2008" che custa totalmain 19'670'000 francs. L'intent dal project è quel d'exequir - tenor prioritads ch'èn definidas cleramain - lavurs necessarias ed urgentas en ils secturs da la tgira dal guaud da protecziun, da la biodiversitad e da la tgira dal guaud giuven ordaifer il guaud da protecziun. Il project collectiv "selvicultura 2008" è vegnì elavurà da l'uffizi forestal dal Grischun per incumbensa da circa 200 proprietarias e proprietaris da guaud privats e publics dal chantun.
Restauraziun da l'ospizi dal Gottard: A la restauraziun da l'ospizi vegl ("Vecchio Ospizio") sin il pass dal S. Gottard vegn pajada ina contribuziun da 50'000 francs.
Fond da sport: Il chantun sustegna trais projects cun totalmain 22'400 francs or dal fond da sport. Ina contribuziun survegnan il club da hockey Cuira Capricorns per cumprar equipaments da goli, il club d'unihockey Calanda Flyers Trimmis per cumprar bandas per il champ grond e gols sco er la federaziun grischuna da hockey sin glatsch per sa participar al turnier da hockey sin glatsch da la ARGE ALP che ha lieu dals 27 fin ils 30 da december 2008 a Landshut ed ad Erding (Baviera).

Projects da vias
La regenza ha approvà totalmain 452'000 francs per construir e per sanar il suandant traject da via:
- via naziunala A13: prestaziuns d'electroinschigner e remplazzament dals ventilaturs axials dal tunnel Isla Bella.

Chanzlia chantunala dal Grischun

Gremi: regenza
Funtauna: rg chanzlia chantunala dal Grischun
Neuer Artikel