Cuntegn da la pagina

Las prescripziuns da pestga vegnan adattadas

  • Erste Mitteilung
  • Neuen Beitrag einfügen
La regenza grischuna ha approvà e mess en vigur la revisiun parziala da las prescripziuns da pestga per il 1. da schaner 2009. Las adattaziuns èn necessarias pervia da la revisiun da la lescha federala davart la protecziun dals animals.
A partir dal 1. da schaner 2009 ston las pestgadras ed ils pestgaders preschentar in attest davart las enconuschientschas da la materia, sch'ellas vulan retrair ina patenta d'in onn u d'in mais. Questas novaziuns vegnan er actualisadas en las prescripziuns da pestga. En quest connex sa restrenscha la regenza d'inditgar en las prescripziuns da pestga las disposiziuns davart la protecziun dals animals ch'èn essenzialas per la pratica da pestga. Ultra da quai vegn adattada la mesira da la litgiva giaglia ch'ins po pigliar en il Rain alpin ed introducida ina mesira minimala da 24 centimeters. La finala vegnan abolids dus trajects da protecziun sin l'intschess dal Rain anteriur sco er dal Rain posteriur.

Projects da vias
La regenza ha approvà totalmain 365'000 francs per construir e per sanar ils suandants trajects da vias:
- via naziunala A13: lavurs d'impressari per la galaria dal guaud da Cassana
- via naziunala A13: lavurs d'impressari, guaud da Cassana - access da Nufenen
Chanzlia chantunala dal Grischun

Gremi: regenza
Funtauna: rg chanzlia chantunala dal Grischun
Neuer Artikel