Navigation

Inhaltsbereich

  • Erste Mitteilung
  • Neuen Beitrag einfügen
En la sessiun da december vegn il cussegl grond a discutar la revisiun parziala da la lescha introductiva tar la lescha federala davart la protecziun da l'ambient. Sut il presidi da Christoph Jaag ed en preschientscha da cusseglier guvernativ Claudio Lardi ha la cumissiun dal cussegl grond per ambient, traffic ed energia tractà e deliberà la fatschenta per mauns dal cussegl grond.
La finamira la pli impurtanta da la revisiun tenor la missiva è vegnida discutada en moda intensiva e per part cuntraversa, numnadamain da determinar l'entir chantun Grischun sco intschess per ruments chasans combustibels che vegnan surpigliads dal stabiliment per arder ruments (SAR) a Trimmis. Tut las corporaziuns per la gestiun da ruments dal chantun duain uschia vegnir obligadas tenor la lescha da consegnar ils ruments chasans combustibels al SAR a Trimmis. Per mitigiar la posiziun da monopol dal SAR a Trimmis che resulta da quai, pretenda ina minoritad da la cumissiun ch'i duai valair ina obligaziun da consegnar ruments al SAR a Trimmis mo sch'il pretsch per surpigliar ils ruments n'è betg pli aut che quel en stabiliments vischins extrachantunals. Ina discussiun detagliada ha er chaschunà la dumonda areguard la furmaziun dals pretschs dal SAR a Trimmis. En quest connex è vegnida crititgada la mancanza cumpletta dad elements da cumpensaziun dal martgà liber. Dal rest ha la cumissiun - suenter avair discutà detagliadamain il project - suandà las propostas da la regenza.

Gremi: cumissiun per ambient, traffic ed energia
Funtauna: rg cumissiun per ambient, traffic ed energia
Neuer Artikel