Cuntegn da la pagina

In luf en la Val Müstair - il terz luf en il chantun Grischun

  • Erste Mitteilung
  • Neuen Beitrag einfügen
Suenter che l'existenza d'in segund luf ha pudì vegnir confermada avant bundant in mais en Surselva, è ussa avant maun la cumprova segira dal DNA d'in luf en la Val Müstair. Il cumenzament da november èn dads en egl ad in guardiaselvaschina fastizs suspectus en ina val laterala da la Val Müstair. Actualmain sa chatta il luf anc en la val. Gia l'enviern passà avevan ins suspectà ch'in luf saja en la val, perquai che differents animals selvadis eran vegnids stgarpads. Fin ussa n'èn vegnidas annunziadas naginas perditas d'animals da chasa. L'analisa dal DNA ch'è vegnida fatga a l'universitad da Losanna conferma la spezia "canis lupus" ubain "luf". Per il mument na poi dentant betg anc vegnir inditgà, sch'i sa tracta d'in animal masculin u d'in animal feminin.

Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun
Neuer Artikel