Cuntegn da la pagina

Il cussegl grond tracta la fusiun da la nova vischnanca da Bregaglia

  • Erste Mitteilung
  • Neuen Beitrag einfügen
La regenza grischuna ha approvà la cunvegna da las vischnancas da Bondo, da Castasegna, da Soglio, da Stampa e da Vicosoprano per fusiunar a la vischnanca da Bregaglia. Ella ha deliberà la missiva correspundenta e propona al cussegl grond da metter en vigur la fusiun per il 1. da schaner 2010. Il cussegl grond vegn a tractar la fatschenta en la sessiun da favrer 2009.
Suenter che las sis vischnancas da la Val Müstair han fusiunà a la nova vischnanca da vallada da Val Müstair, è la fusiun da las tschintg vischnancas da la Bregaglia la segunda fusiun d'ina vallada en il Grischun. Tenor l'artitgel 64 da la constituziun chantunala promova il chantun la fusiun da vischnancas per garantir che lur incumbensas vegnian ademplidas en moda cunvegnenta ed economica. Per quest intent po il chantun pajar contribuziuns. La nova vischnanca da Bregaglia survegn dal chantun ina contribuziun da promoziun en l'autezza da totalmain 5'500'000 francs.

Gremi: regenza
Funtauna: rg chanzlia chantunala dal Grischun
Neuer Artikel