La notg sin ils 10 da december 2008 è in luf-tscherver giuven vegnì sut in auto en e mazzà en la Ganda sper Landquart. L'animal feminin è naschì quest onn ed aveva ina buna cundiziun. Quai è l'emprim luf-tscherver ch'è vegnì chattà mort en il Grischun dapi sia extirpaziun l'onn 1872. Uschia vegnan confermadas las observaziuns dals ultims onns ch'èn vegnidas fatgas en il territori Tschintg Vitgs - Signuradi - Partenz.
Per in'examinaziun pli precisa è l'animal vegnì transferì a l'institut per patologia d'animals da l'universitad da Berna. Sin basa d'analisas geneticas duessan pudair vegnir eruids ils geniturs da quest animal. Uschia pudessan vegnir scleridas eventualas colliaziuns cun il project LUNO (luf-tscherver da la Svizra dal nordost). Là fan ins actualmain quint cun in effectiv da circa 10 lufs-tscherver.

Infurmaziuns:
- dr. Georg Brosi, manader da l'uffizi da chatscha e pestga dal Grischun, tel. 081 257 38 92
- Hannes Jenny, biolog da selvaschina, uffizi da chatscha e pestga dal Grischun,
tel. 081 257 38 93

Gremi: uffizi da chatscha e pestga
Funtauna: rg uffizi da chatscha e pestga