Cuntegn da la pagina

L'ambassadur talian sin visita tar la regenza grischuna

  • Erste Mitteilung
  • Neuen Beitrag einfügen
L'ambassadur talian Giuseppe Deodato visita mesemna, ils 20 da favrer 2008, il Grischun. El vegn accumpagnà da Diana Forte, l'emprima secretaria per migraziun e per dumondas socialas. Suenter il bainvegni dals giasts en la chasa grischa a Cuira è previs in gentar communabel. Ils ospitants èn il cusseglier guvernativ Hansjörg Trachsel ed il chancelier Claudio Riesen.
La regenza tgira mintga onn contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas materialas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: chanzlia chantunala dal Grischun
Funtauna: rg chanzlia chantunala dal Grischun
Neuer Artikel