Cuntegn da la pagina

Las regenzas sa scuntran a Cuira per tractar la politica actuala d'egualitad da dunna ed um

  • Erste Mitteilung
  • Neuen Beitrag einfügen
En il rom tradiziunal da la scuntrada transcunfinala davart il tema "egualitad da las schanzas da dunnas e d'umens", ch'è gia daventada tradiziun, ha cusseglier guvernativ Claudio Lardi beneventà ier, mesemna, a Cuira sia collega d'uffizi Greti Schmid (cussegliera dal Vorarlberg) sco er ses collega d'uffizi Jürg Wernli (cusseglier guvernativ da l'Appenzell dador). Igl èn vegnids tematisads differents projects transcunfinals.

La collavuraziun sur ils cunfins prosperescha
Suenter ina conversaziun da las commembras e dals commembers da la regenza davart la politica d'egualitad actuala en lur chantuns ed en lur pajais han las incumbensadas ed ils incumbensads cumpetents per dumondas d'egualitad rapportà dals projects communabels sco "dunnas da trais pajais", "medischina tenor las schlattainas", "la vita da la dunna 50+" ed "egualitad en ils manaschis". Igl è vegnì prendì enconuschientscha dal success da la retscha d'occurrenzas transcunfinala davart la medischina tenor las schlattainas. En il rom dad "interreg IV" è vegnì discutà il project successiv "rait per la sanadad da las dunnas - medischina tenor las schlattainas".
Per finir la scuntrada han las commembras ed ils commembers da la regenza pudì constatar che la lavur transcunfinala è impurtanta e fritgaivla. Dals projects communabels e da las scuntradas regularas profiteschan tut las varts e l'egualitad da las schanzas prendida en mira survegn novs impuls.

Infurmaziun per las medias:
Ina fotografia da la scuntrada po vegnir chargiada giu qua.

Gremi: post da stab per l'egualitad da las schanzas
Funtauna: rg post da stab per l'egualitad da las schanzas
Neuer Artikel