La cumissiun dal cussegl grond per sanadad e fatgs socials ha discutà - a chaschun da sia sesida dals 11 da mars 2008 - er la problematica da la perdita da plazzas da lavur che stat en connex cun la serrada dal lavuratori da las VFF cargo a Bellinzona. Questa perdita da plazzas da lavur pertutga er numerusas Grischunas e numerus Grischuns. La cumissiun ha concludì da sustegnair la resoluziun dals 10 da mars 2008 ch'è vegnida deliberada unanimamain dal cussegl grond dal chantun Tessin. En questa resoluziun vegn il cussegl federal envidà d'intervegnir tar il cussegl d'administraziun da las VFF per che las mesiras ch'èn vegnidas concludidas vegnian abolidas e per che las persunas responsablas da las VFF entrian immediatamain en conctact cun las autoritads chantunalas e cun las represchentanzas da las patrunas e dals patruns e tschertgian soluziuns en enclegientscha.
Plinavant sustegna la cumissiun plainamain la communicaziun respectiva da la regenza grischuna dals 11 da mars 2008.

Gremi: cumissiun per sanadad e fatgs socials
Funtauna: rg cumissiun per sanadad e fatgs socials