Cuntegn da la pagina

Da vischnancas e da regiuns

  • Erste Mitteilung
  • Neuen Beitrag einfügen
- Saas: La regenza ha approvà il project "sanaziun dals rempars da lavinas Galmun" da la vischnanca da Saas. Als custs vegn garantida ina contribuziun da maximalmain 1'368'000 francs. Medemamain approvà vegn il project "sanaziun da la via da guaud Saas-Zastia, traject Waldhof-Ragoz". La contribuziun importa maximalmain 388'600 francs.
- Puntraschigna: Il project "protecziun cunter lavinas e cunter crudada da crappa da Puntraschigna" vegn approvà. Als custs vegn concedida ina contribuziun da maximalmain 945'000 francs.
- Casti: Il project "avertura dal guaud Tgavrouls-Sagliot" da la vischnanca da Casti vegn approvà. Als custs vegn garantida ina contribuziun da maximalmain 475'700 francs.
- Tràn: Il project "via da guaud Era Sut" da la vischnanca da Tràn vegn approvà e sustegnì cun ina contribuziun da maximalmain 462'000 francs.
- Luzein: Il project "avertura da la chavorgia da Buchen" da la vischnanca da Luzein vegn approvà. Als custs vegn concedida ina contribuziun da maximalmain 392'000 francs.
- Riom-Parsonz: Il project "via da maschinas Burschignas" da la vischnanca da Riom-Parsonz vegn approvà. La contribuziun chantunala importa maximalmain 40'200 francs.
- Preaz: A la vischnanca da Preaz vegn garantida ina contribuziun pauschala da 91'575 francs als custs supplementars per la renovaziun dal provediment d'aua.
- Sent: La revisiun parziala da la constituziun communala da la vischnanca da Sent, concludida da la radunanza communala ils 10 da mars 2008, vegn approvada.
- Sagogn: La revisiun parziala da la planisaziun locala da la vischnanca da Sagogn dals 15 da december 2006 vegn approvada.
- Vaz sut: La revisiun parziala da la planisaziun locala "Gaidla" da la vischnanca da Vaz sut dals 12 da december 2007 vegn approvada.
- Ladir: La revisiun dals statuts dal "revier forestal Ladir" vegn approvada.
- Valendau-Versomi: Il statut d'organisaziun dals "pumpiers da Valendau-Versomi" vegn approvà e mess en vigur retroactivamain per il 1. da schaner 2007.
- "ewz challenge da las Alps 2008": A l'organisaziun dal "ewz challenge da las Alps 2008" vegn dada la permissiun d'utilisar ils 23 e 24 d'avust 2008 la ruta ch'è previsa en il chantun Grischun tenor il plan da traject.
- "15avel giro da trais pajais": Al comité d'organisaziun dal "15avel giro da trais pajais" vegn dada la permissiun d'utilisar ils 20 fin ils 22 da zercladur 2008 las rutas ch'èn previsas en il chantun Grischun tenor il plan da traject.

Contribuziuns chantunalas a differentas instituziuns
- Institut per la perscrutaziun da la cultura grischuna: L'institut per la perscrutaziun da la cultura grischuna (ipg) survegn ina contribuziun chantunala unica en l'autezza da 28'500 francs per il project "Ils Jenics en las vischnancas grischunas, 19avel e 20avel tschientaner".
- Festival da litteratura e da translaziun "Babel": Il festival da litteratura e da translaziun "Babel" che ha lieu dals 17 fin ils 21 da settember 2008 a Bellinzona vegn sustegnì cun ina contribuziun da 10'000 francs.
- Musica da giuvenils da Tavau: A la musica da giuvenils da Tavau vegn concedida ina contribuziun da 12'000 francs per unifurmas novas.
- Club da tennis da Landquart: Per sanar l'illuminaziun da las plazzas da tennis e per equipar las plazzas da tennis survegn il club da tennis da Landquart ina contribuziun da 10'800 francs or dal fond da sport.

Projects da vias
La regenza ha approvà totalmain 11'040'000 francs per construir e per sanar ils suandants trajects da vias:
- via naziunala A13: lavurs da cuvrida, punt dal Rain posteriur a La Punt; lavurs da cuvrida, sutpassadi Tambo - punt dal Rain posteriur a Spleia vest
- via taliana: lavurs d'impressari e da cuvrida a Domat, rundella dal spartavias per Favugn
- via dal Güglia: lavurs d'impressari e da cuvrida, correcziun da las stortas da Kapella
- via dal Flüela: lavurs da cuvrida, Tufflischbach - Alpenrose
- via d'Engiadina: lavurs da cuvrida, sviament da San Murezzan; lavurs da cuvrida, Islas - Arvins
- via dal Scanvetg: lavurs d'impressari, chava da gera - Maladers; lavurs d'impressari, Litzirüti - Arosa
- via dal Meir: lavurs d'impressari, Punt da Solas - tunnel d'Alvaschagn
- via da Tschiertschen: lavurs d'impressari, Passugg - Praden

Gremi: regenza
Funtauna: rg chanzlia chantunala dal Grischun
Neuer Artikel