Cuntegn da la pagina

Serrada temporara da la biblioteca chantunala dal Grischun

  • Erste Mitteilung
  • Neuen Beitrag einfügen
En la partiziun publica da la biblioteca chantunala dal Grischun a Cuira vegnan fatgas intginas midadas. Perquai sto la biblioteca displaschaivlamain vegnir serrada per il public, e quai dals 19 da matg fin ils 7 da zercladur 2008. Durant questas trais emnas vegn realisada la nova sistematica en il sectur a liber access, il service vegn adattà a las pretensiuns dad oz ed i vegn installà in nov tarpun en il sectur d'entrada.
Durant la serrada èn er il servetsch da telefon ed il traffic dad e-mail ord funcziun. La biblioteca chantunala supplitgescha sia clientella da purtar enavos avant la serrada u da prolungar a temp las medias emprestadas che stuessan vegnir restituidas durant quest temp. Natiralmain pon ins er vinavant prolungar sez las medias emprestadas durant il temp da la serrada, e quai online sur l'agen conto.
A partir dals 9 da zercladur 2008 è la biblioteca puspè averta durant las uras usitadas.
L'archiv dal stadi percunter è avert malgrà las lavurs en la biblioteca. La clientella da l'archiv dal stadi vegn supplitgada da resguardar eventualas communicaziuns concernent l'utilisaziun da l'entrada principala resp. da l'entrada laterala. Questas communicaziuns vegnan publitgadas a l'entrada principala.

Gremi: biblioteca chantunala dal Grischun
Funtauna: rg biblioteca chantunala dal Grischun
Neuer Artikel