Navigation

Inhaltsbereich

  • Erste Mitteilung
  • Neuen Beitrag einfügen
- Soglio: Il project "protecziun cunter crudada da crappa Busch Ganda" da la vischnanca da Soglio vegn approvà. Il chantun sa participescha cun maximalmain 505'500 francs als custs.
- Circul da Tusaun: La constituziun dal circul da Tusaun dals 30 da mars 2008 vegn approvada. Ella entra en vigur per il 1. da schaner 2009.
- Andeer: La revisiun totala da la planisaziun locala da la vischnanca d'Andeer dals 19 da november 2007 vegn approvada.

Contribuziuns chantunalas a differentas instituziuns
- Center da las IPM: Al center da las IPM (interpresas pitschnas e mesaunas) a Cuira vegn garantida ina contribuziun dad annualmain 90'000 francs per ils onns 2008 fin 2011. Il center da las IPM è affilià a la scola auta da tecnica ed economia SATE a Cuira. El cusseglia las IPM, organisescha occurrenzas e procura per il transfer da savida e da tecnologia.
- Spazi cultural da la Viamala: Al spazi cultural da la Viamala, Seglias, vegn concedida ina contribuziun unica da 20'000 francs per realisar il project "Das grosse Staunen".

Fatgs dal persunal
Thomas Kollegger, domicilià ad Alvagni Vitg, è vegnì elegì sco manader da l'uffizi da vischnancas. El cumenza sia plazza il 1. d'avust 2008.

Gremi: regenza
Funtauna: rg chanzlia chantunala dal Grischun
Neuer Artikel