Cuntegn da la pagina

In castur è immigrà en Engiadina bassa

  • Erste Mitteilung
  • Neuen Beitrag einfügen
Per l'emprima giada dapi almain 200 onns è immigrà en il Grischun in castur d'ina populaziun natirala. Casturs èn transfurmaturs da la cuntrada ed - en sasez - animals decisivs per ils spazis vitals da l'aua. Ils conflicts pussaivels cun la protecziun cunter aua gronda, cun la producziun d'electricitad, cun l'agricultura e cun la selvicultura pretendan ina collavuraziun interdisciplinara.

Dapi il 1. da matg 2008 vegn observà regularmain in castur a la riva da l'En. L'emprim è el cumparì a Vinadi e dapi in'emna viva el en il territori da Pradella sper Scuol. Per las auas sco spazi da viver èn ils casturs animals decisivs da gronda impurtanza. Cun quai ch'els smerschan bostgs u perquai ch'els construeschan rempars pon els influenzar en moda positiva las zonas umidas e stgaffir bleras nischas ecologicas per auters animals. Casturs èn ruiders e na maglian nagins peschs.
Igl è evident che quest animal è immigrà da la populaziun da casturs dal Tirol vischin. Là vivan 50 fin 60 animals. L'onn passà ha per l'emprima giada pudì vegnir constatà in success tar la reproducziun. Questa populaziun da sia vart deriva dad animals ch'èn vegnids colonisads en Baviera en la part giusum da l'En l'onn da la protecziun da la natira 1970.
Che casturs han in grond potenzial da derasaziun ha cumprovà avant 40 onns l'ultim immigrant en il Grischun. L'onn 1968 ha il mastgel castur "Haakon" superà il traject da 120 kilometers da Bottighofen (TG) a Grüsch. Ils 18 da zercladur 1968 è el vegnì sut in auto en la Chlus. Avant era quest castur vegnì mess en libertad en in'aua laterala dal Lai da Constanza.
Casturs pon chaschunar conflicts cun auters interess d'utilisaziun. Quai va da donns vi da culturas agriculas, da stagnaziuns nungiavischadas d'auas currentas fin a foras e tunnels en rempars. Per regla pon quests conflicts vegnir schliads. Quai premetta però in'assistenza professiunala dals casturs ed ina collavuraziun interdisciplinara. Sco directiva vala il concept davart il castur en Svizra ch'è vegnì creà l'onn 2004.

Gremi: uffizi da chatscha e pestga
Funtauna: rg uffizi da chatscha e pestga
Neuer Artikel