Cuntegn da la pagina

Certificats da la CLP per las novas bibliotecarias

  • Erste Mitteilung
  • Neuen Beitrag einfügen
En il Grischun han terminà ultimamain 15 bibliotecarias lur furmaziun supplementara ed han survegnì il certificat da la CLP. Tenor il model directiv per las bibliotecas en il chantun Grischun duain tut las bibliotecarias da scola e communalas vegnir instruidas per lur lavur da biblioteca. En la biblioteca chantunala dal Grischun han perquai lieu regularmain furmaziuns supplementaras per persunas creschidas. Questas furmaziuns supplementaras adempleschan las prescripziuns da qualitad da las directivas da la cuminanza da lavur da las bibliotecas svizras da lectura publica (CLP). Ils curs vegnan organisads e purschids - en num da la cumissiun da bibliotecas dal chantun Grischun - tras l'incumbensada chantunala da las bibliotecas Nelly Däscher. Il curs fundamental da la CLP terminescha cun in examen.
Dacurt han 15 novas bibliotecarias pudì prender encunter lur certificat da la CLP a chaschun da la festa da finiziun. La vicedirectura da la biblioteca chantunala dal Grischun, Gabriella Padovan, ha encuraschà en ses discurs las novas bibliotecarias cun certificat da la CLP da s'engaschar permanentamain a favur da l'ulteriur svilup da lur biblioteca. Per quest intent saja impurtant ch'ins haja visiuns, ch'ins na perdia betg quellas or d'egl e ch'ins las persequiteschia. Mo uschia possian las bibliotecas da scola e communalas metter a disposiziun da tut temp purschidas ch'èn orientadas als basegns da la clientella, mo uschia restian questas bibliotecas actualas ed attractivas.

In certificat han survegnì:
Doris Averkamp-Peters, Wangs; Caroline Blättler, Widnau; Esther Derungs-Hartmann, Malans; Anna Fausch, Valbella; Andrea Federspiel, Domat; Giovanna Fried, Ftan; Nadine Hochuli Zobrist, Panaduz; Margrit Imper, Heiligkreuz; Gaby Koch, Egg; Eva Lunz, Schiers; Marie-Thérèse Morscher, Domat; Sandra Müller, Cuira; Ursula Rauchenstein, Wollerau; Barbara Sommer, Laax; Helen Stirnimann, Churwalden.

Gremi: biblioteca chantunala dal Grischun
Funtauna: rg biblioteca chantunala dal Grischun
Neuer Artikel