Navigation

Inhaltsbereich

  • Erste Mitteilung
  • Neuen Beitrag einfügen
- Diversas vischnancas: Il project "reparaziun d'ovras da protecziun 2008", in project collectiv da differentas vischnancas, vegn approvà. Als custs da totalmain 24 objects da reparaziun vegnan garantidas contribuziuns da maximalmain 2'175'000 francs.
- Zernez: Il project "reparaziun dals rempars da lavinas Munt Baselgia" da la vischnanca da Zernez vegn approvà e sustegnì cun ina contribuziun da maximalmain 511'000 francs.
- Schnaus: A la vischnanca da Schnaus vegn garantida ina contribuziun da 96'100 francs als custs per renovar e per engrondir il stabiliment dal provediment d'aua, 2. etappa.
- Flond: Als custs da construcziun dal project consecutiv da las malauras 2002, dustanza en la Val da Cavegn, vegn garantida ina contribuziun da maximalmain 133'650 francs a la vischnanca da Flond.
- Domat: Il project per engrondir il passape per lung da la via taliana en il territori d'Ardisla en il vitg da Domat vegn approvà. Als custs paja il chantun ina contribuziun da maximalmain 76'500 francs.
- Flem: La revisiun parziala da la planisaziun locala ed il plan d'areal "Segnas-halla da curling" da la vischnanca da Flem dals 30 da mars 2008 vegnan approvads.

Contribuziuns chantunalas a differentas instituziuns
Orchester da chombra da Turitg: Il concert da l'orchester da chombra da Turitg dals 24 d'avust 2008 en la baselgia da Ziràn vegn sustegnì cun ina contribuziun dad 8'000 francs.

Projects da vias
La regenza ha approvà totalmain 3'950'000 francs per construir e per sanar ils suandants trajects da vias:
- via naziunala A13: lavurs da cuvrida, guaud da Cassana - access da Nufenen
- via naziunala A28: lavurs da cuvrida, sviament da Küblis
- via dal Landwasser: installaziuns electromecanicas, galaria cunter lavinas Rotsch e Taferna
- via sursilvana: lavurs d'impressari, Sumvitg - Mustér

Gremi: regenza
Funtauna: rg chanzlia chantunala dal Grischun
Neuer Artikel