Mardi, ils 5 da matg 2009, visita la regenza dal principadi da Liechtenstein il Grischun. La delegaziun da Liechtenstein vegn manada dal schef da la regenza Klaus Tschütscher. El vegn accumpagnà dal viceschef da la regenza Martin Meyer, da las cusseglieras guvernativas Renate Müssner ed Aurelia Frick, dal cusseglier guvernativ Hugo Quaderer sco er dal secretari da la regenza Norbert Hemmerle. La regenza grischuna - manada dal president da la regenza Hansjörg Trachsel - vegn ad esser preschenta cumplettamain. Suenter il bainvegni dals giasts en la chasa grischa a Cuira è previs in gentar cuminaivel. La visita serva en emprima lingia a la tgira da las relaziuns amicablas ed al barat d'experientschas sin ils champs da la cultura, da l'economia e da la politica.

Gremi: chanzlia chantunala dal Grischun
Funtauna: rg chanzlia chantunala dal Grischun