La regenza grischuna ha approvà la cunvegna da las vischnancas da Churwalden, da Malix e da Parpan da fusiunar a la vischnanca da Churwalden. Ella ha deliberà la missiva correspundenta e propona al cussegl grond da metter en vigur la fusiun per il 1. da schaner 2010. Il cussegl grond vegn a tractar questa fatschenta en la sessiun d'october 2009.
Tenor l'artitgel 64 da la constituziun chantunala promova il chantun la fusiun da vischnancas per garantir che lur incumbensas vegnian ademplidas en moda cunvegnenta ed economica. Per quest intent po il chantun pajar contribuziuns. La nova vischnanca da Churwalden survegn dal chantun ina contribuziun da promoziun en la summa da totalmain 4'800'000 francs.

Gremi: regenza
Funtauna: rg chanzlia chantunala dal Grischun