Il consul general da la republica populara da la China LIANG Jianquan fa mesemna, ils 22 da settember 2010, ina visita al Grischun.

Accumpagnà vegn il consul general chinais da la viceconsula SHANG Weiwei. Suenter il bainvegni dals giasts en la chasa grischa a Cuira è previs in gentar cuminaivel. Ils ospitants èn il president da la regenza Claudio Lardi ed il chancelier Claudio Riesen.

La regenza tgira annualmain contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.


Gremi: chanzlia chantunala dal Grischun
Funtauna: rg chanzlia chantunala dal Grischun