La conferenza da las directuras e dals directurs chantunals da finanzas (CDF) salva sia radunanza annuala da quest onn en il Samignun.

La conferenza vegn organisada dal chantun Grischun sut la direcziun dal president da la regenza dr. Martin Schmid. Cun la tscherna dal lieu da la dieta duai er vegnir rendì attent a la situaziun topografica speziala en il chantun Grischun. La conferenza ha lieu ils 9 e 10 da zercladur 2011 en preschientscha da la scheffa dal departament federal da finanzas, cussegliera federala dr. Eveline Widmer-Schlumpf, e dal president da la banca naziunala svizra, dr. Philipp M. Hildebrand. Il chantun Grischun vegn represchentà a la conferenza dal president da la regenza dr. Martin Schmid, schef dal departament da finanzas e vischnancas. Suenter la conferenza ha lieu ils 10 da zercladur 2011 er a Samignun la 102avla radunanza generala ordinaria da las salinas svizras dal Rain SA.

Il chantun Grischun e la vischnanca da Samignun sa legran da dastgair beneventar en il Grischun questas duas occurrenzas svizras.


Infurmaziuns:
president da la regenza dr. Martin Schmid, schef dal departament da finanzas e vischnancas, tel. 081 257 32 01.


Infurmaziun a las medias – pussaivladad da far fotografias ed intervistas:
gievgia, ils 9 da zercladur 2011, a las 19.00 sin la sella da l'Alp Trida. Viadi amunt cun la pendiculara a las 18.45 a partir da Samignun Ravaisch.


Gremi: departament da finanzas e vischnancas dal Grischun
Funtauna: rg departament da finanzas e vischnancas